டில்லியில், தேசிய துப்பாக்கி சுடுதல் சாம்பியன்ஷிப் நடக்கிறது. கலப்பு அணிகளுக்கான 10 மீ., 'ஏர் பிஸ்டல்' பிரிவு போட்டி நடந்தது. தகுதிச்சுற்றில் இந்திய ஆர்மி அணியின் லக்சிதா (290), ஷர்வன் (292) இணைந்து 582 புள்ளி பெற, முதலிடம் பெற்று பைனலுக்கு முன்னேறினர்.

இதில் லக்சிதா, ஷர்வன் ஜோடி 16-10 என ஹரியானாவின் சுருச்சி, சாம்ராட் ராணா ஜோடியை வென்று தங்கம் கைப்பற்றியது.

வெண்கலப் பதக்கத்துக்கான போட்டியில் ராஜஸ்தானின் அஞ்சலி, அமித் சர்மா ஜோடி 17-13 என கர்நாடகாவின் ஜோனாதன், அவந்திகா ஜோடியை வீழ்த்தியது.

ஜூனியர் பிரிவில் மத்திய பிரதேசத்தின் ஆராத்யா, யுக்பிரதாப் ஜோடி 16-8 என கர்நாடகாவின் கேம்பெர்யா, டேரன் ஜோடியை வீழ்த்தி, தங்கம் கைப்பற்றியது.