மெக்சிகோவில் உலக கோப்பை 'ஸ்டேஜ் 1' வில்வித்தை தொடர் நடக்கிறது. காம்பவுண்டு பிரிவில் தகுதிச்சுற்று போட்டிகள் நடந்தன. இந்தியாவின் பிரகதி 694 புள்ளியுடன் 6வது இடம் பெற்றார். முன்னணி வீராங்கனை ஜோதி 691 (10வது இடம்), மதுரா 689 (15), ஆதித்தி 689 (17) புள்ளி பெற்றனர். ஒட்டுமொத்தமாக 2074 புள்ளியுடன் அணிகள் பிரிவில் முதலிடம் பெற்றது இந்தியா.

ஆண்கள் பிரிவில் இந்தியாவின் பிரவின் ஓஜாஸ் 705 (12), அபிஷேக் வர்மா 702 (16), சாஹில் ராஜேஷ் 701 (18), குஷால் 700 (19) புள்ளிகள் பெற்றனர். மொத்தம் 2108 புள்ளியுடன், அணிகள் பிரிவில் முதலிடம் பிடித்தனர்.

கலப்பு அணிகள் பிரிவில் இந்தியாவின் பிரவின் (705), பிரகதி (694) ஜோடி, மொத்தம் 1399 புள்ளி எடுத்து, தரவரிசையில் 4வது இடம் பெற்றது.