அமெரிக்காவில், லீக்ஸ் கோப்பை கால்பந்து 5வது சீசன் நடக்கிறது. இதன் முதல் அரையிறுதியில் இன்டர் மயாமி, ஆர்லாண்டோ சிட்டி அணிகள் மோதின. முதல் பாதி முடிவில் ஆர்லாண்டோ அணி 1-0 என முன்னிலையில் இருந்தது. இரண்டாவது பாதியில் எழுச்சி கண்ட மயாமி அணிக்கு அர்ஜென்டினா நட்சத்திர வீரர் மெஸ்ஸி 2 (77, 88வது நிமிடம்), செகோவியா (90+1வது) ஒரு கோல் அடித்து கைகொடுத்தனர். ஆட்டநேர முடிவில் இன்டர் மயாமி அணி 3-1 என்ற கணக்கில் வெற்றி பெற்று 2வது முறையாக (2023, 2025) பைனலுக்குள் நுழைந்தது. கடந்த 2023ல் நடந்த பைனலில் மயாமி அணி, நாஷ்வில்லே அணியை வீழ்த்தி கோப்பை வென்றிருந்தது.

மற்றொரு அரையிறுதியில் சியாட்டில் சவுண்டர்ஸ் அணி 2-0 என்ற கோல் கணக்கில் லாஸ் ஏஞ்சல்ஸ் கேலக்ஸி அணியை வீழ்த்தி 2வது முறையாக (2021, 2025) பைனலுக்கு முன்னேறியது. கடந்த 2021ல் நடந்த பைனலில் சியாட்டில் அணி, இத்தாலியின் லியோன் அணியிடம் தோல்வியடைந்தது.