sub-imageதினமலர் டிவி
sub-imagePodcast
sub-imageiPaper
sub-imageசினிமா
sub-imageகோயில்கள்
sub-imageபுத்தகங்கள்
sub-imageSubscription
sub-imageதிருக்குறள்
sub-imageகடல் தாமரை
Dinamalar Logo

ஞாயிறு, நவம்பர் 30, 2025 ,கார்த்திகை 14, விசுவாவசு வருடம்

டைம்லைன்


தற்போதைய செய்தி


தினமலர் டிவி


ப்ரீமியம்


தமிழகம்


இந்தியா


உலகம்


வர்த்தகம்


விளையாட்டு


கல்விமலர்


டீ கடை பெஞ்ச்


/

செய்திகள்

/

விளையாட்டு

/

கிரிக்கெட்

/

வெஸ்ட் இண்டீஸ் 'திரில்' வெற்றி * போராடி வீழ்ந்தது நியூசிலாந்து

/

வெஸ்ட் இண்டீஸ் 'திரில்' வெற்றி * போராடி வீழ்ந்தது நியூசிலாந்து

வெஸ்ட் இண்டீஸ் 'திரில்' வெற்றி * போராடி வீழ்ந்தது நியூசிலாந்து

வெஸ்ட் இண்டீஸ் 'திரில்' வெற்றி * போராடி வீழ்ந்தது நியூசிலாந்து


ADDED : நவ 05, 2025 11:00 PM

Google News

ADDED : நவ 05, 2025 11:00 PM


Google News
Latest Tamil News
நிறம் மற்றும் எழுத்துரு அளவு மாற்ற

ஆக்லாந்து: முதல் 'டி-20' போட்டியில் வெஸ்ட் இண்டீஸ் அணி 7 ரன்னில் 'திரில்' வெற்றி பெற்றது.

நியூசிலாந்து சென்றுள்ள வெஸ்ட் இண்டீஸ் அணி ஐந்து போட்டி கொண்ட 'டி-20' தொடரில் பங்கேற்கிறது. முதல் போட்டி நேற்று ஆக்லாந்தில் நடந்தது. 'டாஸ்' வென்ற நியூசிலாந்து அணி கேப்டன் சான்ட்னர், பீல்டிங் தேர்வு செய்தார்.

வெஸ்ட் இண்டீஸ் அணிக்கு பிரண்டன் கிங் (3), அதனாசே (16) ஜோடி சுமார் துவக்கம் தந்தது. அக்கீம் (2) ஏமாற்ற, கேப்டன் ஷாய் ஹோப், ராஸ்டன் சேஸ் ஜோடி அணியை மீட்டது. சேஸ் (28), டபி பந்தில் போல்டானார். ஹோப் 39 பந்தில் 53 ரன் எடுத்து கைகொடுத்தார். கடைசி நேரத்தில் பாவெல் (33) உதவ, வெஸ்ட் இண்டீஸ் அணி 20 ஓவரில் 6 விக்கெட்டுக்கு 164 ரன் எடுத்தது. நியூசிலாந்து சார்பில் டபி, ஜாக் தலா 2 விக்கெட் சாய்த்தனர்.

சான்ட்னர் ஆறுதல்

நியூசிலாந்து அணிக்கு ராபின்சன் (27), கான்வே (13) ஜோடி துவக்கம் கொடுத்தது. ரச்சின் 21 ரன் எடுக்க, சாப்மென் (7), டேரில் மிட்செல் (13), பிரேஸ்வெல் (1), நீஷம் (11) நிலைக்கவில்லை. நியூசிலாந்து அணி 17 ஓவரில் 109/9 ரன் எடுத்து திணறியது. கடைசி 18 பந்தில் 56 ரன் தேவைப்பட்டன.

போர்டோ வீசிய 18 வது ஓவரில் மிரட்டிய சான்ட்னர், 4, 6, 4, 4, 4, 1 என மொத்தம் 23 ரன் விளாசினார். 19 வது ஓவரில் சான்ட்னர் 'ஹாட்ரிக்' பவுண்டரி அடித்தார். கடைசி ஓவரில் 20 ரன் தேவை என்ற நிலையில், சான்ட்னர் 12 ரன் (0, 0, 6, 2, 0, 4) மட்டும் எடுத்தார். நியூசிலாந்து அணி 20 ஓவரில் 157/9 ரன் எடுத்து தோல்வியடைந்தது. அரைசதம் அடித்த சான்ட்னர் (55), டபி (1) அவுட்டாகாமல் இருந்தனர். வெஸ்ட் இண்டீஸ் 1-0 என தொடரில் முன்னிலை பெற்றது.

50

சான்ட்னர்-டபி இணைந்து நியூசிலாந்துக்கு அணிக்காக, 'டி-20' அரங்கில் 10 வது விக்கெட்டுக்கு அதிகபட்சமாக 50 ரன் சேர்த்து சாதித்தனர். முன்னதாக டிம் சவுத்தீ, சேத் ரன்ஸ் இணைந்து 36 ரன் (எதிர்-இலங்கை, 2019, பல்லேகெலெ) எடுத்தது அதிகமாக இருந்தது.

17 ஆண்டுக்குப் பின்...

நியூசிலாந்து மண்ணில் 17 ஆண்டுக்குப் பின் வெஸ்ட் இண்டீஸ் அணி 'டி-20' போட்டியில் நேற்று வெற்றி பெற்றது. முன்னதாக 2008, டிச. 26ல் ஆக்லாந்து போட்டியில் சூப்பர் ஓவரில் வெற்றி பெற்று இருந்தது.






      Dinamalar
      Follow us