ஆஸ்திரேலியா செல்லவுள்ள இங்கிலாந்து அணி, ஐந்து போட்டிகள் கொண்ட வரலாற்று சிறப்பு மிக்க ஆஷஸ் டெஸ்ட் தொடரில் பங்கேற்கிறது.

முதல் டெஸ்ட் வரும் நவ. 21ல் பெர்த்தில் துவங்குகிறது. மீதமுள்ள போட்டிகள் பிரிஸ்பேன் (டிச. 4-8), அடிலெய்டு (டிச. 17-21), மெல்போர்ன் (டிச. 26-30), சிட்னியில் (2026, ஜன. 4-8) நடக்கவுள்ளன.

முதல் போட்டிக்கான ஆஸ்திரேலிய அணி விரைவில் அறிவிக்கப்பட உள்ளது. இப்போட்டியில் இருந்து, முதுகு பகுதி காயத்தால் 'ரெகுலர்' கேப்டன் பாட் கம்மின்ஸ் விலகினார். இதனையடுத்து புதிய கேப்டனாக ஸ்டீவ் ஸ்மித் அறிவிக்கப்பட்டார்.

ஏற்கனவே ஸ்மித், 40 டெஸ்ட் போட்டிக்கு (23 வெற்றி, 7 'டிரா', 10 தோல்வி) கேப்டனாக இருந்துள்ளார். தவிர, 2021 முதல் கம்மின்ஸ் விளையாடாத 6 டெஸ்ட் போட்டிக்கு ஸ்டீவ் ஸ்மித் கேப்டனாக செயல்பட்டிருந்தார். கம்மின்சிற்கு பதிலாக ஸ்காட் போலந்து தேர்வு செய்யப்படலாம்.