சுவிட்சர்லாந்தின் 'சுவிஸ் ஓபன் சூப்பர் 300' பாட்மின்டன் தொடர் நேற்று துவங்கியது. இந்தியா சார்பில் சிந்து, லக்சயா உள்ளிட்டோர் களமிறங்குகின்றனர். நேற்று நடந்த ஆண்கள் ஒற்றையர் தகுதிச்சுற்று முதல் போட்டியில் இந்தியாவின் சமீர் வர்மா, பிரேசிலின் கோயல்ஹோவை 21-11, 10-21, 21-14 என்ற செட் கணக்கில் வென்றார்.

அடுத்து நடந்த இரண்டாவது போட்டியில் சமீர் வர்மா, இந்தோனேஷியாவின் பர்ஹானிடம் 18-21, 12-21 என தோற்று, பிரதான சுற்றுக்கு முன்னேறும் வாய்ப்பை இழந்தார்.

இந்தியாவின் சதிஷ் குமார் கருணாகரன், தகுதிச்சுற்று முதல் போட்டியில் எல் சால்வடாரின் பிரான்சிஸ்கோவை 21-18, 21-12 என வென்றார். அடுத்த போட்டியில் சதிஷ் குமார், தென் கொரியாவின் ஜியோன் ஜின்னிடம் 17-21, 21-17, 15-21 என்ற கணக்கில் போராடி தோல்வியடைந்தார்.