பாகூர் புனித ஜெயராக்கினி அன்னை ஆலய 159வது ஆண்டு பெருவிழா கடந்த 16ம் தேதி கொடியேற்றத்துடன் துவங்கியது. தொடர்ந்து, தினமும் காலை நற்கருணை ஆசிர், திருப்பலி, மாலையில் தேர் பவனி நடந்தது.

விழாவின் முக்கிய நிகழ்வாக நேற்று காலை 8:30 மணிக்கு கூட்டு திருப்பலி, இரவு 7:00 மணிக்கு ஆடம்பர தேர் பவனி நடந்தது. இதையொட்டி, வண்ண மின் விளக்குகளால் அலங்கரிக்கப்பட்ட தேரில், புனித ஜெயராக்கினி அன்னை சொரூபம் அமர்த்தப்பட்டு அந்த தேர், பாகூர் மாட வீதிகள் வழியாக பவனி வந்தது. திரளான கிறிஸ்தவர்கள் கலந்து கொண்டனர்.