விழுப்புரம், வளவனுார் செங்காடு மாரியம்மன் கோவில் தெருவை சேர்ந்தவர் இளவரசன்,27; இவர், புதுச்சேரி நோணாங்குப்பத்தில் உள்ள ஓட்டலில் மாஸ்டராக வேலை செய்து வந்தார்.

இவர் நேற்று முன்தினம் மாலை 6:15 மணிக்கு, உருளையன்பேட்டை, வனத்துறை அலுவலகம் அருகே உள்ள ரயில் பாதையை கடக்க முயன்றார். அப்போது, விழுப்புரத்தில் இருந்து புதுச்சேரி நோக்கி வந்த பயணிகள் ரயில் மோதியது.

இதில், படுகாயமடைந்த இளவரசனை அருகில் இருந்தவர்கள் மீட்டு, புதுச்சேரி அரசு மருத்துவமனையில் சேர்த்தனர். அங்கு அவர் நேற்று காலை 6:00 மணிக்கு சிகிச்சை பலனின்றி இறந்தார்.

இதுகுறித்து உருளையன்பேட்டை போலீசார் வழக்கு பதிந்து விசாரித்து வருகின்றனர்.