புதுச்சேரி, முதலியார்பேட்டையை சேர்ந்தவர் ஆறுமுகம்,76; இவர் அ.தி.மு.க., வில் கடந்த 1991 முதல் 1996 வரை உப்பளம் தொகுதி எம்.எல்.ஏ.,வாக இருந்தார். பின்னர் 2006 முதல் 2011ம் ஆண்டு வரை தி.மு.க.,வில் இருந்தார். தற்போது அ.ம.மு.க.,வில் மாநில அமைப்பு செயலாளராக பதிவி வகித்து வந்தார்.

கடந்த 6ம் தேதி உடல்நிலை பாதிக்கப்பட்டது. சென்னை தனியார் மருத்துவமனையில் சேர்க்கப்பட்டார். அங்கு அவர் நேற்று மாலை 3 மணிக்கு சிகிச்சை பலனின்றி இறந்தார்.அவரது உடல், முதலியார்பேட்டை, மேயர் முத்துப்பிள்ளை நகரில் உள்ள அவரது வீட்டில் பொதுமக்கள் அஞ்சலிக்காக வைக்கப்பட்டுள்ளது. இன்று மாலை உடல் அடக்கம் செய்யப்படுகிறது.