இப்போட்டியில் முதல் பரிசாக 20 ஆயிரம் ரூபாய், 2ம் பரிசாக 10 ஆயிரம், 3ம் பரிசாக 7 ஆயிரம், 4ம் பரிசாக 5 ஆயிரம் ரூபாய் மற்றும் கோப்பை வழங்கப்படுகிறது.

இதில், நேற்று முன்தினம் நடந்த முதல் அரை இறுதிப் போட்டியில் லாஸ்பேட்டை என்துயாஸ்டிக் அணி - திலாஸ்பேட்டை என்.ஆர். கிங்ஸ் அணிகள் மோதின. முதலில் ஆடிய என்துயாஸ்டிக் அணி 19 ஓவர்களில் அனைத்து விக்கெட்களையும் இழந்து 189 ரன்கள் குவித்தது. அந்த அணியின் அருண் சார்லஸ் 80 ரன்கள் எடுத்தார். குமார் 3 விக்கெட், மணி 2 விக்கெட் வீழ்த்தினர்.

பின் ஆடிய என்.ஆர்.கிங்ஸ் அணி 10 ஓவர்களில் அனைத்து விக்கெட்களையும் இழந்து 100 ரன்கள் எடுத்து தோல்வி அடைந்தது. அந்த அணியின் சுரேஷ் 36 ரன்கள் எடுத்தார். சிரஞ்சீவி 3 விக்கெட், சுரேந்தர், கோகுல்நாத் தலா 2 விக்கெட்களையும் வீழ்த்தினர். என்துயாஸ்டிக் அணி 89 ரன்கள் வித்தியாசத்தில் வெற்றி பெற்று இறுதிப் போட்டிக்கு தகுதி பெற்றது. அருண் சார்லஸ் ஆட்டநாயகனாக அறிவிக்கப்பட்டார்.

2வது அரை இறுதிப் போட்டியில் அரியாங்குப்பம் டைட்டன்ஸ் அணி - அரியாங்குப்பம் எல்.எம்., அணிகள் மோதின. முதலில் ஆடிய எல்.எம்., அணி 20 ஓவர்களில் 9 விக்கெட் இழப்புக்கு 162 ரன்கள் எடுத்தது. அணியின் மோகன் 53 ரன்கள் எடுத்தார். சந்தோஷ் 3 விக்கெட், சச்சின், குரு தலா 2 விக்கெட்களை வீழ்த்தினர்.

அடுத்து ஆடிய டைட்டன்ஸ் அணி 14 ஓவர்களில் 10 விக்கெட் இழப்புக்கு 93 ரன்கள் எடுத்து தோல்வி அடைந்தது. அந்த அணியின் மதன் 33 ரன்கள் எடுத்தார். வினோத் 4 விக்கெட், செந்தில் 3 விக்கெட் வீழ்த்தினர்.

அரியாங்குப்பம் எல்.எம்., அணி 69 ரன்கள் வித்தியாசத்தில் வெற்றி பெற்று இறுதிப்போட்டிக்கு தகுதி பெற்றது. வினோத் ஆட்டநாயகனாக தேர்ந்தெடுக்கப்பட்டார்.