மிலாது நபியை முன்னிட்டு நேற்று முன்தினம் அனைத்து மதுக்கடைகளும் மூட கலால்துறை உத்தரவு பிறப்பித்தது. அதனையொட்டி, அன்று கள்ளத்தனமாக மதுபானங்கள் விற்பனை செய்பவர்களை பிடிக்க கலால் துணை ஆணையர் மேத்யூ பிரான்சிஸ் உத்தரவின்பேரில், தாசில்தார்கள் கார்த்திகேயன், ராஜேஷ்கண்ணா, துணை தாசில்தார் சம்பத் தலைமையில் மூன்று பறக்கும் படையினர் நேற்று முன்தினம் தீவிர ரோந்து சென்றனர்.

அதில் உச்சிமேடு. கணபதிசெட்டிகுளம், பங்கூர் பகுதியில் கள்ளத்தனமாக மதுபானங்கள் விற்ற 2 பேர் மீது வழக்கு பதிந்தனர். மேலும், தப்பியோடிய நபர்களிடமிருந்து ரூ. 32 ஆயிரம் மதிப்பிலான 3.6 லிட்டர் சாராயம் மற்றும் 92 லிட்டர் மதுபானங்களை பறிமுதல் செய்தனர்.