இதையொட்டி, நவகிரக சன்னிதியில் உள்ள குரு பகவானுக்கு சிறப்பு அபிஷேக ஆராதனை நடந்தது. பஞ்சமூர்த்திகளுக்கு சந்தன காப்பு அலங்காரம் செய்யப்பட்டது. மாலை 5:19 மணிக்கு மேஷம் ராசியில் இருந்து ரிஷப ராசிக்கு குரு பகவான் பெயர்ச்சி அடைந்த நேரத்தில் மகா தீபாராதனை காண்பிக்கப்பட்டது. திரளான பக்தர்கள் பரிகார பூஜைகள் செய்து குருபகவானை தரிசனம் செய்தனர். விழா ஏற்பாடுகளை, கோவில் நிர்வாகிகள் மற்றும் அர்ச்சகர்கள் செய்திருந்தனர்.