உ.பி., நிர்மோகி அகாடா என்ற சாதுக்கள் அமைப்பைச் சேர்ந்த திருநங்கை மகாமண்டலேஸ்வர் ஹேமாங்கி சகி. இவருக்கு வயது 46. துறவியான இவர் உலகம் முழுவதும் சுற்றுப் பயணம் செய்து ஹிந்து மதத்தைப் பரப்பி வருகிறார்.

இச்சூழலில் வாரணாசி லோக்சபா தொகுதியில் பிரதமர் மோடியை எதிர்த்து அகில பாரத மகா இந்து சபையின் வேட்பாளராக மகாமண்டலேஸ்வர் ஹேமாங்கி சகி போட்டியிடுகிறார்.

முன்னுதாரணம்

இது குறித்து திருநங்கை சகி நிருபர்களுக்கு அளித்த பேட்டி: திருநங்கைகளின் உரிமைகளுக்கு குரல் கொடுப்பதற்காக அரசியலில் களம் இறங்கியுள்ளேன். திருநங்கைகளுக்கு மத்திய அரசு எந்த உதவியும் செய்யவில்லை.

எந்தவொரு அரசியல் கட்சியும் திருநங்கைகளை வேட்பாளராக அறிவிப்பது இல்லை. அகில இந்திய இந்து மகா சபை என்னை வேட்பாளராக அறிவித்து நாட்டுக்கு முன்னுதாரணத்தை ஏற்படுத்தி இருக்கிறது. இவ்வாறு அவர் கூறினார்.