சத்தீஸ்கர் மாநிலம் பாஸ்தார் மாவட்டத்தில் ரூ.2.27 கோடி சன்மானம் அறிவிக்கப்பட்டு 49 நக்சல்கள் தேடப்பட்டு வந்தனர். இந்நிலையில் இன்று தேடப்பட்டு வந்த 49 பேர் உள்ளிட்ட 66 நக்சல்கள் போலீசாரிடம் சரணடைந்துள்ளனர்.

இது குறித்து போலீஸ் அதிகாரிகள் கூறியதாவது:

மாவோயிஸ்ட் சித்தாந்தத்தின் மீதான ஏமாற்றம், அப்பாவி பழங்குடியினர் மீது நக்சலைட்டுகள் செய்த அட்டூழியங்கள் மற்றும் தடைசெய்யப்பட்ட அமைப்பிற்குள் வளர்ந்து வரும் உள் வேறுபாடுகள் ஆகியவற்றைக் காரணம் காட்டி, மூத்த காவல்துறையினர், மத்திய ரிசர்வ் போலீஸ் படை , எல்லைப் பாதுகாப்புப் படை மற்றும் இந்தோ திபெத்திய எல்லைப் போலீஸ் பணியாளர்கள் முன் 66 நக்சல்கள் சரண் அடைந்தனர்.

பிஜாப்பூர் 25 பேரும், தண்டேவாடாவில் 15 பேரும் கான்கரில் 13 பேரும், நாராயண்பூரில் 8 பேரும் சுக்மாவில் 5 பேரும் ஆயுதங்களை ஓப்படைத்து சரண் அடைந்தனர். இவர்களில் 27 பேர் பெண்கள் ஆவர்.

இவ்வாறு போலீஸ் அதிகாரிகள் கூறினர்.