21 லட்சம் ரூபாய் விலையில் ஏப்ரலில் 'டெஸ்லா' கார்கள்

அமெரிக்காவின் 'டெஸ்லா' நிறுவனம், முதல்கட்டமாக தன் பெர்லின் ஆலையில் இருந்து, 21 லட்சம் ரூபாய் மதிப்பிலான மின்சார கார்களை இந்தியாவில் இறக்குமதி செய்து, ஏப்ரலில் விற்பனை செய்ய திட்டமிட்டுள்ளதாக தகவல் வெளியாகி உள்ளது. டில்லி, மும்பையில் ஷோரூம் அமைக்க இடத்தை தேர்வு செய்துள்ள டெஸ்லா நிறுவனம், நேற்று முன்தினம் இந்தியாவில் 13 பணியிடங்களுக்கு ஆட்கள் தேவை என, விளம்பரம் வெளியிட்டு இருந்தது. மின்சார கார்கள் விற்பனையை துவங்கிய பின், ஆலை அமைக்க டெஸ்லா திட்டமிட்டுள்ளதாக கூறப்படுகிறது. சமீபத்தில் அமெரிக்கா சென்றிருந்த பிரதமர் மோடி, டெஸ்லா நிறுவனர் எலான் மஸ்க்கை நேரில் சந்தித்து பேசிய நிலையில், நடவடிக்கைகள் வேகமெடுத்துள்ளன.