 கடந்த 2023ம் ஆண்டில், வேலையில்லா திண்டாட்ட அளவு, அதன் முந்தைய ஆண்டில் இருந்த, 3.60 சதவீதம் என்ற அளவை விட குறைவாக, 3.10 சதவீதம் என்ற அளவில் இருந்தது என்ற செய்தி செவ்வாயன்று வெளியானது.

புதன்

 இந்திய அரசின் கடன் பத்திரங்கள், 'புளூம்பெர்க்' நிறுவனத்தின் எமர்ஜிங் மார்க்கெட் குறியீட்டில், 2025ம் ஆண்டில் இருந்து பங்கெடுக்கும் என்ற செய்தி வெளியானது

 பிப்ரவரி மாதத்தில், சேவை நிறுவனங்களின் பி.எம்.ஐ., குறியீடானது, 60.60 என்ற அளவில் இருந்தது என்றும்; இது, கடந்த ஐந்து மாதங்களில் இருந்த அளவில் இரண்டாவது அதிக அளவு என்றும் செய்தி வெளியானது.

வியாழன்

 2024 -- 25 நிதியாண்டில், இந்திய பொருளாதாரம் கிட்டத்தட்ட 6.80 சதவீத வளர்ச்சியை அடையும் என்ற கிரிசில் நிறுவனத்தின் கணிப்பு வெளியானது.

வெள்ளி

 வாகன விற்பனை குறித்த செய்தி வெளியானது. கடந்த பிப்ரவரி மாத வாகனங்கள் விற்பனை, 2023 பிப்ரவரி மாத விற்பனையுடன் ஒப்பிடும் போது, 13 சதவீதம் அதிகரித்துள்ளது

 'மூடிஸ்' நிறுவனம், இந்தியாவின் ஜி.டி.பி., வளர்ச்சி விகிதம், நடப்பாண்டில், 8 சதவீதம் என்ற அளவில் இருக்கும் என்று கணித்துள்ள செய்தி, வெள்ளியன்று வெளியானது.

சனி

 மியூச்சுவல் பண்டுகளில், இந்திய முதலீட்டாளர்களால் புதிதாக மேற்கொள்ளப்பட்ட நிகர முதலீட்டின் அளவு, கடந்த 35 மாத காலமாகவே அதிகரித்து வருகிறது என்றும், பிப்ரவரி 2024ல், இது, 26,866 கோடி ரூபாய் என்ற அளவில் இருந்தது என்றும்; இது முந்தைய ஆண்டுடன் ஒப்பிடுகையில், 23 சதவீதம் அதிகம் என்றும் செய்தி வெளியானது

 இந்தியாவின் அன்னிய செலாவணி கையிருப்பு, 625 பில்லியன் டாலர் என்ற அளவில் இருப்பதாகவும்; இது, கடந்த இரண்டு ஆண்டு காலத்தில் மிக அதிக அளவாகும் என்றும் ரிசர்வ் வங்கி தெரிவித்தது.

வரும் வாரம்

 தொழில்துறை உற்பத்தி, பணவீக்க விகிதம், உற்பத்தி நிறுவனங்களில் நடந்த உற்பத்தி, ஏற்றுமதி, இறக்குமதி, வர்த்தக நிகர அளவு போன்ற இந்திய பொருளாதாரம் சார்ந்த சில தரவுகள் வரும் வாரத்தில் வெளிவர இருக்கின்றன

 பண வீக்க விகிதம், சில்லரை விற்பனை நிலவரம், வேலையில்லாத நபர்களின் எண்ணிக்கை, தொழிற்சாலைகளின் உற்பத்தி, மிச்சிகன் நுகர்வோர் மனோபாவம் போன்ற சில அமெரிக்க பொருளாதாரம் சார்ந்த சில தரவுகளும் வரும் வாரத்தில் வெளிவர இருக்கின்றன.

கவனிக்க வேண்டியவை

 கடந்த திங்களன்று, வர்த்தக நாளின் இறுதியில், 27 புள்ளிகள் ஏற்றத்துடன் நிறைவடைந்த நிப்டி, செவ்வாயன்று 49 புள்ளிகள் இறக்கம்; புதனன்று 117 புள்ளிகள் ஏற்றம்; வியாழனன்று, 19 புள்ளிகள் ஏற்றம் என்கிற ரீதியிலான ஏற்ற இறக்கங்களை கண்டிருந்தது. தொடர்ந்து புதிய உச்சங்களையும் நிப்டி அடைந்து வருகிறது

 டெக்னிக்கல் அனாலிசிஸின் அடிப்படையில், நிப்டியில் ஏற்றம் தொடர வாய்ப்புள்ளதை போன்ற சூழ்நிலை தெரிகிறது. இருப்பினும், சந்தை சார்ந்த செய்திகள், தரவுகள் மற்றும் நிகழ்வுகள், நிப்டியின் அடுத்த கட்ட பயணத்தை நிர்ணயிக்கக் கூடியதாக இருக்கும். எனவே, வர்த்தகர்கள் இவற்றின் மீது கவனம் வைத்து வர்த்தகம் செய்ய முயல்வதே சிறந்தது

 வாரத்தின் இறுதியில், டெக்னிக்கல் அனாலிசிஸ் அடிப்படையில், நிப்டியில் ஏற்றம் தொடர்வதற்கான சூழல் நிலவுவதைப் போன்று இருக்கிறது. எனினும், கடந்த சில வாரங்களாக நடந்து வருகின்ற ஏற்ற இறக்கங்களை கணக்கில் கொண்டு பார்த்தால், செய்திகள், தரவுகள் மற்றும் நிகழ்வுகளின் தன்மைக்கு ஏற்றால் போல், சந்தையில் ஏற்ற இறக்கங்கள் தொடர்வதற்கான வாய்ப்பு இருப்பதாகவே தோன்றுகிறது.

நிப்டியின் டெக்னிக்கல் அனாலிசிஸ் சார்ந்த தற்போதைய நிலவரம்

நிப்டி 22,305, 22,105 மற்றும் 21,995 என்ற நிலைகளில், வாராந்திர ரீதியிலான ஆதரவையும், 22,610, 22,720 மற்றும் 22,830 என்ற நிலைகளில் வாராந்திர ரீதியிலான தடைகளையும், டெக்னிக்கல் அனாலிசிஸ் அடிப்படையில் சந்திப்பதற்கான வாய்ப்பு இருக்கிறது.

நிப்டியின் ஏற்றம் தொடர்வதற்கு, தற்சமயம் உருவாகியுள்ள முக்கிய டெக்னிக்கல் திருப்புமுனை அளவான 22,415 என்ற அளவிற்கு கீழே போகாமல், அதற்கு மேலேயே தொடர்ந்து வர்த்தகமாக வேண்டும்.