இறக்கத்தில் ஆரம்பித்து, 11 மணியளவில் கணிசமானதொரு இறக்கம் கண்டு, பின்னர் மீண்டு ஒரு மணியளவில் சிறிது ஏற்றத்தை சந்தித்து, பின் இறங்க ஆரம்பித்து, நாளின் இறுதியில் 75 புள்ளிகள் குறைந்து நிப்டி நிறைவடைந்தது. பரந்த சந்தை குறியீடுகள் 16-ம் இறக்கத்துடன் நிறைவடைந்தன. இவற்றில் 'நிப்டி 100' குறியீடு, குறைந்தபட்சமாக 0.31 சதவீத இறக்கத்துடனும்; 'நிப்டி ஸ்மால்கேப் 50' குறியீடு அதிகபட்சமாக 1.30 சதவீத இறக்கத்துடனும் நிறைவடைந்தன. 19 துறை சார்ந்த குறியீடுகளில், 2 ஏற்றத்துடனும்; 17 குறியீடுகள் இறக்கத்துடனும் நிறைவடைந்தன. 'நிப்டி மெட்டல்' குறியீடு அதிகபட்சமாக 0.57 சதவீத ஏற்றத்துடனும்; 'நிப்டி கெமிக்கல்ஸ்' குறியீடு அதிகபட்சமாக 2.12 சதவீத இறக்கத்துடனும் நிறைவடைந்தன.

வர்த்தகம் நடந்த 3,299 பங்குகளில், 1,078 ஏற்றத்துடனும்; 2,139 இறக்கத்துடனும்; 82 மாற்றம் ஏதும் இன்றியும் நிறைவடைந்திருந்தன. நிப்டி குறுகிய கால சராசரிகளுக்கு கீழே வர்த்தகமாகிறது. தற்சமயம் 200 நாள் சராசரியான 25,100-க்கு அருகே இருக்கின்ற சூழலில் 'மொமெண்டம் இண்டிகேட்டர்'கள் 'ஓவர்சோல்டு' என்ற நிலைமையில் இருப்பதால், சிறியதொரு ஏற்றம் காண்பதற்கான வாய்ப்புள்ளது. இது நடப்பதற்கு செய்திகள் சாதகமாக இருப்பது அவசியம். 25,100-ஐ தாண்டி இறங்கினால், 24,800 வரை சென்று திரும்ப வாய்ப்புள்ளது.