வாகனங்கள் ஏற்றுமதி இரட்டை இலக்க வளர்ச்சி

கடந்த செப்டம்பரில் நாட்டின் பயணியர் வாகன ஏற்றுமதி 30 சதவீதமும், டூவீலர் ஏற்றுமதி 15 சதவீதமும் அதிகரித்துள்ளதாக, வாகன நிறுவனங்களின் சங்கமான சியாம் வெளியிட்டுள்ள தரவுகளில் தெரிவிக்கப்பட்டு உள்ளது. செப்டம்பர் மட்டுமின்றி, நடப்பு நிதியாண்டின் முதல் அரையாண்டில், மொத்த பயணியர் வாகனங்கள் ஏற்றுமதி 18.40 சதவீதமும், டூவீலர் ஏற்றுமதி 24.20 சதவீதமும் அதிகரித்து உள்ளன. இந்தியாவில் தயாராகும் வாகனங்களுக்கான தேவை, உலக சந்தையில் வலுவாக இருப்பதை இது காட்டுகிறது.