* மூழ்கி விட்டாய் என்று

மற்றவர்கள் காழ்ப்புணர்வில்

கைதட்டி சிரித்திடும் போது முத்துக்களை அள்ளிக்கொண்டு

மேலேறி வந்து மார்தட்டுங்கள்!

* சறுக்கி விட்டாய் என்று

மற்றவர்கள் வெறுப்புணர்வில்

ஏளனம் செய்திடும் போது

தவறுகளை திருத்திக்கொண்டு

முன்னேறிச் சென்று வென்றிடுங்கள்!

* வீழ்ந்து விட்டாய் என்று

மற்றவர்கள் பகையுணர்வில்

ஏளனம் பேசிடும் போது

குதிரையென துள்ளியெழுந்து

இலக்கை விரைந்து எட்டுங்கள்!

* பயந்து விட்டாய் என்று

மற்றவர்கள் ஆணவ உணர்வில்

எகத்தாளம் கொள்ளும் போது

எதிர்பாராத அதிர்ச்சி தந்து

புத்திக்கூர்மையை நிரூபித்திடுங்கள்!

* அடங்கி விட்டாய் என்று

மற்றவர்கள் மமதை உணர்வில்

கொண்டாட்டம் நடத்திடும் போது

தீப்பந்தமென வெகுண்டெழுந்து

அநீதிகளை சுட்டுப் பொசுக்குங்கள்!

* முடங்கி விட்டாய் என்று

மற்றவர்கள் பகையுணர்வில்

பரிகசித்து அவமதித்திடும் போது

வீறுகொண்ட புயலாய் புறப்பட்டு

உங்கள் பலத்தை காட்டிடுங்கள்!



- விஜயன் செல்வராஜ், கள்ளக்குறிச்சி.தொடர்புக்கு: 8248553326