இந்த மண்பாண்டங்களில் உள்ள இதழ்கள் 4, 8, 16, 32, 64 என இரட்டிப்பாகும் வரிசையில் வடிவமைக்கப்பட்டுள்ளன. எழுத்து வடிவில் முறையான எண்கள் உருவாக்கப்படுவதற்கு முன்பே, சமச்சீர் தன்மை மற்றும் இலக்க இடம் சார்ந்த புரிதல் அக்கால மனிதர்களிடம் இருந்ததை இந்த வடிவியல் கோலங்கள் உறுதிப்படுத்துகின்றன.

இது வெறும் கலை வெளிப்பாடு மட்டுமல்ல; அன்றாட கிராமப்புற வாழ்வில் நிலத்தைப் பிரிப்பதற்கும், விளைச்சலைப் பகிர்வதற்கும், விற்பனை செய்வதற்கும் தேவையான தர்க்க அறிவின் வெளிப்பாடுதான் என ஆய்வாளர்கள் தெரிவித்துள்ளனர். எழுதப்பட்ட எண்கள் இல்லாமலேயே, விகிதாச்சாரம் மற்றும் சமநிலை குறித்த தெளிவான சிந்தனை அப்போதைய மனிதர்களுக்கு இருந்துள்ளது.

எழுத்து முறைகளும், முறையான கணிதக் கோட்பாடுகளும் உருவாவதற்குப் பல ஆயிரம் ஆண்டுகளுக்கு முன்பே மனித மூளை, நுணுக்கமான தர்க்க சிந்தனைகளில் ஈடுபட்டுள்ளது. மனிதப் படைப்பாற்றலில் இருந்தே கணித அறிவு உருவாகியுள்ளது என்பதை இந்த ஆய்வு உலகுக்கு உணர்த்துகிறது.