அரசு ஊழியர்கள்- ஆசிரியர்கள் -தூய்மை பணியாளர்கள் செவிலியர்கள் என ஒவ்வொருவரும் தங்களுக்கு உரிமையான தொகையை போராடி தான் பெற வேண்டிய நிலையில் தமிழக மக்களை வைத்திருக்கிறது. ஆனால் தேர்தல் தேதி அறிவிக்க ஒரு வாரமே இருக்கும் நிலையில் திடீரென அரசு நிதியிலிருந்து ரூ. ஐந்தாயிரம் மகளிருக்கு உரிமை தொகை என்ற பெயரில் நேற்று கொடுத்திருப்பது தி.மு.க.வினரின் தவறான அணுகுமுறை. வேறு எந்த கட்சிக்கும் இத்தகைய தொகையை கொடுக்க இயலாது என்பதை நன்கு உணர்ந்தே ஒட்டு மொத்த தமிழக மக்களின் வரி பணத்திலிருந்து வெறும் 1.31 கோடி மகளிருக்கு மட்டும் வாரி வழங்கி தானே தி.மு.க. வழங்கியதாக மக்களை நம்ப வைத்து நற்பெயரை தேடிக்கொள்ள முயல்வதை தமிழக மக்கள் புரிந்து கொள்ளாதது வேதனை மட்டுமல்ல, இப்படிப்பட்ட தொகையை அவர்கள் பெற்று கொள்வதும் நியாயமற்றது. இந்த செயலை தேர்தல் ஆணையம் கவனத்தில் கொண்டு உரிய நடவடிக்கை எடுக்கும் என நம்புவோம்.