சென்னை ரன்னர்ஸ் சார்பில் நாளை, 10, 21, 32, 42 கி.மீட்டர் என, 4 பிரிவுகளாக மாரத்தான் போட்டி நடைபெற உள்ளதால், நேப்பியர் பாலம் முதல் இந்திய கடல்சார் பல்கலை வரையிலான பகுதியில் போக்குவரத்து மாற்றம் செய்யப்பட உள்ளது.

 காமராஜர் சாலை, போர் நினைவு சின்னத்திலிருந்து காந்தி சிலை வரை, இருபுறமும் வாகனங்கள் அனுமதிக்கப்படாது

 அடையாறில் வரும் அனைத்து வாகனங்களும் திரு.வி.க., பாலம், டாக்டர்டி.ஜி.எஸ்., தினகரன் சாலை, சாந்தோம் நெடுஞ்சாலை, காமராஜர் சாலை காந்தி சிலை வரை, வழக்கம் போல செல்லலாம்

 போர் நினைவிடத்தில் இருந்து திரு.வி.க.,பாலம் வரை வாகனங்கள் அனுமதியில்லை. மேலும், வாகனங்கள் கொடி மரச்சாலை வழியாக திருப்பிவிடப்பட்டு, வாலாஜா பாயின்ட் அண்ணா சாலை வழியாக செல்லலாம்

 ஆர்.கே.சாலையில் இருந்து காந்தி சிலை நோக்கி வரும் வாகனங்கள், வி.எம்.தெரு சந்திப்பில் திருப்பி விடப்படும். அவ்வாகனங்கள், ராயப்பேட்டை நெடுஞ்சாலை, லஸ் கார்னர், ஆர்.கே., மடம் சாலை வழியாக செல்லலாம்

 எல்.பி., சாலை - எஸ்.பி.,சாலை சந்திப்பிலிருந்து வரும் வாகனங்கள், பெசன்ட் அவென்யூ சாலையை நோக்கி அனுமதியில்லை. அவ்வாகனங்கள், எல்.பி., சாலை, சாஸ்திரி நகர் வழியாக, திருவான்மியூர் சிக்னல் வழியாக செல்லலாம்.

 காந்தி மண்டபத்திலிருந்துவரும் வாகனங்கள், ராஜிவ்காந்தி சாலை செல்ல அனுமதியில்லை. அவ்வாகனங்கள், எல்.பி.,சாலை சாஸ்திரி நகர், திருவான்மியூர் சிக்னல் வழியாக செல்லலாம்

 பெசன்ட் நகர், 7வது அவென்யூவில் இருந்து வரும் வாகனங்கள் எலியாட்ஸ் கடற்கரை நோக்கி அனுமதிக்கப்படாது. மாறாக, எல்.ஜி.,சாலையை நோக்கி திருப்பி விடப்படும்.