அவர் பேசுகையில், 'நொய்யலாறு மாசு காரணமாக, காங்கேயம், மொடக்குறிச்சி சட்டசபை தொகுதிக்கு உட்பட்ட பகுதிகள் நேரடியாக பாதிக்கப்படுகின்றன. ஒரு மாதம் முன், என்னை போனில் அழைத்த ஒருவர், 'நொய்யலாற்றோரம் கழிவை கொட்டி விட்டேன். திருப்பூர் மாநகராட்சி நிர்வாகம் அபராதம் விதித்துள்ளது; அபராத தொகையை கொஞ்சம் குறைக்கச் சொல்லுங்கள்' என்றார். நான் அவரை சத்தம் போட்டு விட்டேன்' என்றார்.

இதை கேட்ட அதிகாரி ஒருவர், 'இவரை போலவே எல்லா மக்கள் பிரதிநிதிகளும் இருந்தா நல்லா இருக்குமே...' என முணுமுணுக்க, மற்றொரு அதிகாரி, 'இவரிடம் சிபாரிசு கேட்டவர் யாருன்னு சொல்லலியே... ஏன்னா கட்சிக்காரங்க கேட்டு இவர் மறுத்திருப்பாரா என்ன...?' என, 'டவுட்' கிளப்பியவாறு நடையை கட்டினார்.