புளியங்குடி கிராமத்தில் 44ம் ஆண்டு கிருஷ்ண ஜெயந்தி விழாவையொட்டி நேற்று உறியடி உற்ஸவம் நடந்தது. உறிப்பானையில் தேங்காய், 5 எலுமிச்சை பழங்கள், தயிர் ஆகிய பொருட்கள் வைக்கப்பட்டன. பின் உறியடித்த பொருட்கள் ஏலம் விடப்பட்டன.

அப்போது புளியங்குடியை சேர்ந்த சந்தோஷ்குசார்-பிரியங்கா தம்பதி தேங்காயை ரூ.2.60 லட்சத்திற்கு ஏலம் எடுத்தனர். இதேபோல் 5 எலுமிச்சை பழங்கள் ரூ.3.70 லட்சம், தார்கம்பு ரூ.45 ஆயிரம், மஞ்சள் கயிறு ரூ.70 ஆயிரம், வடம் கயிறு ரூ.65 ஆயிரம் என மொத்தமாக ரூ.8.10 லட்சத்திற்கு பொருட்கள் ஏலம் போனது.

பக்தர்கள் கூறியதாவது: உறிப்பானையில் உள்ள பொருட்களை ஏலம் எடுத்தால் குழந்தை இல்லாதவருக்கு குழந்தை வரம் கிடைக்கும், தொழில் முன்னேற்றம் அடையும் உள்ளிட்ட நம்பிக்கை உள்ளது. தேங்காய் ரூ.2.60 லட்சத்திற்கு ஏலம் போனது இதுவே முதன்முறை என்றனர்.