டவுட் தனபாலு: கிராமங்கள்ல, 'பொய் சொன்னாலும் பொருந்தச் சொல்லணும்'னு பேசுவாங்க... உங்க கட்சியையும், விஜய் கட்சியையும் அ.தி.மு.க., ஒரே தட்டில் வைத்து தான் பார்க்கிறது என்ற உங்க வாதத்தை, உங்க கட்சியின் தம்பிகள் கூட ஏத்துக்குவாங்களா என்பது, 'டவுட்' தான்!



தமிழக முதல்வர் ஸ்டாலின்: துணை முதல்வராக உதயநிதியின் செயல்பாடுகளை, இந்தியாவே உற்று நோக்கிக் கொண்டி ருக்கிறது. அவர் எப்படி செயல்படுகிறார் என கேட்டால், ஆட்சி அதிகாரத்தில் எனக்கு துணையாக இருந்து சிறப்பாக செயல்படுகிறார்; தமிழக மக்களுக்கும் சேவை செய்து, அரசு திட்டங்கள் முழுமையாக சென்றடைய உதவுகிறார்.

டவுட் தனபாலு: உங்க கட்சியில் துரைமுருகன், நேரு உள்ளிட்ட எத்தனையோ சீனியர்கள் இருந்தும், கட்சியிலும், ஆட்சியிலும் ரொம்பவே ஜூனியரான உதயநிதி தான் உங்களுக்கு உறுதுணையா இருக்கார்னு சொல்றீங்களே... இதன் வாயிலாக, 'இனி உதயநிதி தான் கட்சியில எல்லாம்' என்பதை, 'டவுட்'டே இல்லாம விளக்கிட்டீங்க!



அ.தி.மு.க., தேர்தல் பிரிவு செயலர் ஜெயராமன்: அ.தி.மு.க., வின் அஸ்திவாரமே தாய்க்குலங்கள் தான். ஆனால், தி.மு.க.,விலோ நேர் எதிர். பெண்களை கேவலமாக பேசுகின்றனர்; விமர்சிக்கின்றனர். அதற்கு பொன்முடி, சிவாஜி கிருஷ்ணமூர்த்தி என ஏராளமானோர் அங்கு உள்ளனர். இன்னும் 10 அமாவாசை மட்டுமே பொறுத்திருங்கள். தி.மு.க., ஆட்சி போய், பழனிசாமி முதல்வராக பதவியேற்றவுடன், அனைத்து தாய்மார்களுக்கும் மாதம் 2,000 ரூபாய் உரிமைத் தொகை வழங்கப்படும்.

டவுட் தனபாலு: மகளிர் உரிமைத் தொகையை மாதம், 2,000 ரூபாய் தருவோம்னு சொல்லிட்டீங்க... இந்த வாக்குறுதியை ஆட்சியில் இருக்கும் தி.மு.க., அடுத்த வருஷமே நிறைவேற்றி விட்டால், நீங்க, 3,000 ரூபாய் தருவோம்னு வாக்குறுதி தருவீங்களோ என்ற, 'டவுட்' தான் வருது!

