டவுட் தனபாலு: உங்க கொள்கைகள் தமிழகத்துல எடுபடலை என்பதால் தான், 57 வருஷங்களா மாறி மாறி ஆட்சியில அமர்ந்துட்டு இருக்கிற திராவிட இயக்க கொள்கைகளை, நடிகர் விஜய்யும் கையில் எடுத்திருக்காரோ என்ற, 'டவுட்' உங்களுக்கு வரலையா?



பத்திரிகை செய்தி: பா.ஜ.,வில் பல்வேறு பொறுப்புகளை வகித்த மைத்ரேயன்,2000ம் ஆண்டு அன்று, அ.தி.மு.க.,வில் இணைந்து, ராஜ்யசபா எம்.பி.,யாகி, தொடர்ந்து பல ஆண்டுகள் எம்.பி., பதவி வகித்தார். ஜெ., மறைவுக்கு பின், பன்னீர்செல்வம் அணியில்இருந்தார்; பின், பழனிசாமி பக்கம் சென்றார்; அதன்பின், பா.ஜ.,வுக்கு சென்றார். தற்போது, மீண்டும் பழனிசாமிமுன்னிலையில், அ.தி.மு.க.,வில் இணைந்துள்ளார்.

டவுட் தனபாலு: ஸ்... அப்பா... படிக்கிற நமக்கே இப்படி மூச்சு முட்டுதே... பாவம், மைத்ரேயன் எப்படி தான் சமாளிக்கிறாரோ... ஆனா, கட்சி தாவும் படலத்தில், காங்., - தி.மு.க., கட்சிகளை மட்டும் ஏன் விட்டு வைத்தார் என்ற, 'டவுட்' எழுதே!



வி.சி., கட்சி தலைவர் திருமாவளவன்: மதுவிலக்கு கொள்கையுள்ள காந்தி பிறந்த நாளில், மது ஒழிப்பு மாநாடு நடக்கிறது. இது, தேர்தலுக்காகநடத்தப்படுவது அல்ல. தேர்தல்கணக்கு போட்டு எதையும் செய்ய மாட்டேன். மதுவை ஒழிப்போம் என்பதில், தி.மு.க., - அ.தி.மு.க, இடதுசாரிகள் என உடன்பாடுள்ள அனைவரும் ஒரே மேடையில் நிற்க வேண்டும். பா.ம.க., மற்றும் பா.ஜ., உடன் எப்போதும் அணி சேர முடியாது.

டவுட் தனபாலு: உங்களை விட, மதுவுக்கு எதிராக பல வருஷங்களா குரல் கொடுத்துட்டுஇருப்பவர், டாக்டர் ராமதாஸ்... நியாயப்படி, அவரை தான் இந்த மாநாட்டுக்கு தலைமை தாங்கவேஅழைச்சிருக்கணும்... இதுல இருந்தே, இந்த மாநாட்டுல தேர்தல் கணக்குகள் இருப்பது, 'டவுட்'டே இல்லாம தெரியுதே!

