வெங்கடேஷ் - கீர்த்தி சுரேஷ் படத்திற்காக மைசூரில் படமாக்கப்பட்ட பிரம்மாண்ட நடனப் பாடல்

தெலுங்கில் அனில் ரவிபுடி இயக்கத்தில் வெங்கடேஷ், கல்யாண் ராம், கீர்த்தி சுரேஷ், கிர்த்தி ஷெட்டி உள்ளிட்டோர் நடிப்பில் உருவாகி வரும் படம் 'ஜனவரி 12 விடுதல'. இந்தப்படத்தின் பெரும்பகுதி படப்பிடிப்பு முடிவடைந்து விட்ட நிலையில் சமீபத்தில் மைசூரில் ஒரு பிரமாண்டமான செட்டில் இந்த நட்சத்திரங்கள் அனைவரும் கலந்துகொள்ள, ஒரு துள்ளலான சிறப்பு நடனப் பாடல் காட்சி படமாக்கப்பட்டது.

ஜி.வி. பிரகாஷ் இசையமைப்பில் உருவான இந்தப்பாடலுக்கு நடன இயக்குனர் பிருந்தா மாஸ்டர் நடனம் வடிவமைத்திருந்தார். நடிகர் ஸ்ரீமனும் இந்தப் பாடல் காட்சியில் ஆடிய தனது அனுபவத்தைக் குறிப்பிட்டு, எட்டு ஆண்டுகளுக்குப் பிறகு மீண்டும் பிருந்தா மாஸ்டர் நடனத்தில் பணியாற்றக் கிடைத்த வாய்ப்பு குறித்து தனது மகிழ்ச்சியை வெளிப்படுத்தியுள்ளார்.