அரசியல் பதிவிட்டு விஜய்க்கு ஆதரவு கொடுத்த நடிகர் விஷால்

தவெக கட்சியின் தலைவரான விஜய், முதல்வராகப் பதவியேற்க தமிழக கவர்னரை நேற்றும் இன்றும் சந்தித்து உரிமை கோரினார். ஆனால், அவரை ஆட்சியமைக்க கவர்னர் இன்னும் அழைப்பு விடுக்கவில்லை. சில அரசியல் கட்சித் தலைவர்கள் அவருக்கு ஆதரவாக குரல் கொடுத்தனர். எம்.பியும், நடிகருமான கமல்ஹாசன் கூட இன்று ஆதரவு பதிவு போட்டிருந்தார்.

இந்நிலையில் திரையுலகத்திலிருந்து முதல் ஆதரவாக நடிகர் விஷால் அரசியல் பதிவிட்டு விஜய்க்கு தன்னுடைய ஆதரவைத் தெரிவித்துள்ளார்.

எக்ஸ் தளத்தில், “2017-18 ஆம் ஆண்டுகளில் கோவா, மணிப்பூர், மேகாலயா மற்றும் மிக முக்கியமாக கர்நாடகாவில் நிகழ்ந்த அதே சூழலைப் போலவே இங்கும் அமைந்துள்ளது. அங்கு அரசாங்கம் அமைக்கப்பட்ட பிறகு, சட்டசபையில் நடைபெறும் சட்டசபை நம்பிக்கை வாக்கெடுப்பின் (Floor Test) மூலம் தங்கள் பெரும்பான்மையை நிரூபிக்குமாறு கோரப்பட்டது. அதே நடைமுறையைப் பின்பற்றி, விஜய்க்கு அரசாங்கம் அமைக்கும் வாய்ப்பை வழங்க, தமிழக ஆளுநர் ஏன் தயக்கம் காட்டுகிறார்?.

மக்களின் தேர்தல் தீர்ப்பிற்கு என்ன மரியாதை இருக்கிறது? பதவியேற்க வேண்டிய 233 சட்டமன்ற உறுப்பினர்கள் நம்மிடம் உள்ளனர். அரசாங்கம் அமைப்பதற்குத் தேவையான பெரும்பான்மை இடங்களை தவெக கட்சி வென்றுள்ள நிலையில், ஆளுநர் ஆட்சியல்ல ஒரு முழுமையான அரசாங்கமே நமக்குத் தேவை. இந்த அடிப்படை உரிமைகள் அரசியல்வாதிகளுக்கு மட்டுமல்ல, மிக வலிமையான சக்தியான 'தமிழக மக்களுக்கு' நன்கு தெரிந்தவையே.

அன்பிற்குரிய விஜய், நீங்கள் அரசாங்கத்தை அமைக்க வேண்டும். நிச்சயமாக அமைப்பீர்கள். ஒரு வாக்காளனாக, நான் இதை உறுதியாக வெளிப்படுத்துகிறேன்,” எனப் பதிவிட்டுள்ளார்.