அறுசுவையும் உங்கள் சமையலில் இருக்க சில நொறுக்குகள்!
மெதுவடைக்கு மாவு அரைக்கும் போது, சிறிதளவு துவரம் பருப்பை சேர்த்து அரைத்தால், வடை மிகவும் மெதுவாக இருக்கும்.
ஆரஞ்சு பழத்தோலை பொடியாக்கி, அதை ரசத்துடன் சேர்த்தால் மணம், சுவை கூடும்.
வாழைக்காய் பொரியல் செய்யும் போது, மிளகு, சீரகம் அதிகமாக சேர்த்தால் மணம், சுவை இரண்டும் நன்றாக இருக்கும்.
துவரம் பருப்பு வேகவைக்கும் போது, ஒரு டீஸ்பூன் வெந்தயத்தை சேர்த்து வேகவைத்தால், சாம்பார் இரவு வரை கெட்டுப் போகாமல் இருக்கும்.
பிரெட்டை துண்டுகளாக்கி காயவிட்டு, அதை புலாவ், பிரியாணி போன்றவற்றில் போட்டால் மிகவும் ருசியாக இருக்கும்.
சுண்டைக்காயை தயிரும் உப்பும் சேர்த்து ஊறவைத்து, வெயிலில் நன்றாக காயவைத்து வத்தலாக செய்து, அதை வத்தல் குழம்பில் சேர்த்தால், குழம்பு சுவையாக இருக்கும்.
தோசை மாவில் சாதம் வடித்த கஞ்சியை ஊற்றினால், தோசை மெதுவாக வரும்.
துவரம் பருப்பை வேக வைக்கும் போது, ஒரு தேங்காய் துண்டை சேர்த்தால், பருப்பு சீக்கிரம் வெந்து வெண்ணெய் போல குழைவாகும்.