விஜய்சேதுபதி ஜோடி ரியா ஷிபு

வணக்கம் சென்னை, காளி, காதலிக்க நேரமில்லை போன்ற படங்களை இயக்கியவர் கிருத்திகா உதயநிதி. அடுத்து இவர் இயக்கும் படத்தில் விஜய் சேதுபதி ஹீரோவாக நடித்து வருகிறார். முதற்கட்ட படப்பிடிப்பு நடந்து முடிந்துள்ளது. ஜூலை முதல் வாரத்தில் இருந்து மணிரத்னம் இயக்கும் படத்தில் விஜய் சேதுபதி நடிக்கிறார். அடுத்து கிருத்திகா படத்தில் நடிக்க உள்ளார்.

மணிரத்னம் படத்தில் விஜய் சேதுபதி ஜோடியாக சாய் பல்லவியும், கிருத்திகா உதயநிதி படத்தில் ரியா ஷிபுவும் நடிக்கிறார்கள். மலையாளத்தில் பெரிதும் வெற்றி பெற்ற சர்வம் மாயா படத்தில் நடித்தவர் ரியா. வீர தீர சூரன் தயாரிப்பாளர் ஷிபுவின் மகள். தியாகராஜன் குமாரராஜா இயக்கத்தில் விஜய்சேதுபதி நடிக்கும் பாக்கெட் நாவல் படத்தில் மாளவிகா மோகனன் ஹீரோயினாகவும், ஸ்லம்டாக் படத்தில் சம்யுக்தா ஹீரோயினாகவும் நடித்து வருகிறார்கள். மிஷ்கின் இயக்கியுள்ள டிரைன் படத்தில் டிம்பிள் ஹயாதி ஹீரோயினாக இருக்கிறார்.